|
Íþróttafélagið Ægir ÁFRAM ÆGIR!!! =) |
|
Vafraðu umEldra efni Tenglar
 |
12.10.2011 19:14Frábæru Íslandsmóti í boccia lokið!Það er ekki annað hægt en að brosa hringinn eftir einstaklega vel heppnað Íslandsmót í einliðaleik í boccia sem haldið var í Vestmannaeyjum dagana 8. og 9. október! :) Eins og áður hefur komið fram þá erum við hreint og beint orðlaus yfir allri þessari ótrúlegu aðstoð sem okkur barst. Við getum einfaldlega ekki þakkað fólki næginlega vel fyrir að hafa lyft þessu grettistaki með okkur og gert þetta mót að veruleika og hvað þá að gera það jafn flott og það var! ;) Til að nefna einhver nöfn þá viljum við nota tækifærið og telja upp alla þá sem komu að dómgæslunni á mótinu: Sigurður Sveinsson, Magnús Þorsteinsson og Díana Svava dóttir hans, Óskar Jóshúason, Gunnar Már Kristjánsson, Karítas Þórarinsdóttir, Einar Kárason, Hilmar Björnsson, Jón Pétursson, Ægir Gíslason, Hulda Líney Magnúsdóttir, Sigurgeir, Einar Guðnason, Karl Leó Sigurþórsson, Steinunn Ragnhildur Guðmundsdóttir, Sigurður Þór Símonarson og Jón Berg sonur hans, Sævar Þórisson, Erna Sævarsdóttir, Dóra Kolbeinsdóttir, Margrét Rós Ingólfsdóttir, Anna Lilja Sigurðardóttir, Óla Heiða, Katrín Harðardóttir, Ægir Ármannsson, Þóra Sigríður Sigurðardóttir, Ása Hrönn Ásmundsdóttir, Kári Höskuldsson, Snorri Jónsson, Sæmundur Ingvarsson, Magnús Benónýsson og dóttir, Sigurður Ingason, Margrét Rögnvaldsdóttir, Ragna Kristín Jónsdóttir og Bryndís systir hennar, Brynja Bjarnason og synir hennar, Elín Eiríksdóttir, Stefán Friðriksson, Hildur Sólveig Sigurðardóttir og Regína Kristjánsdóttir. Eftir því sem leið á mótið bættust jafnt og þétt við aðstoðarmenn á vellina og á einum tímapunkti vorum við nánast of mönnuð. KÆRAR ÞAKKIR TIL YKKAR ALLRA!! :) Eins og við var að búast þá var brjálað að gera í sjoppunni hjá okkur! Kristín Gunnarsdóttir, gjaldkeri félagsins sá um að stjórna öllu þar og gekk það allt saman eins og í lygasögu! :) Foreldrar, vinir, ættingar og fleiri velunnarar félagsins sáu til þess að engin varð mjög svangur og var Ingó hjá Heildverslun Kalla Kriss mjög snöggur að hlaupa til ef okkur vantaði eitthvað. Það er ekki annað hægt en taka sérstaklega fram starfsfólkið í Íþróttamiðstöð Vestmannaeyja. Þau leystu ALLT sem að þeim var rétt og hjálpuðu okkur heilmikið. Jafnframt á Einsi kaldi og hans fólk skilið mikið hrós, enda 3ja rétta máltíðin einstaklega ljúffeng. Og sjaldan hef ég séð jafn skjóta þjónustu eins og skvísurnar í Höllinni sýndu við að bera matinn á borð. Óskar Pétur tók myndir fyrir okkur og munu þær koma inná þessa síðuna, inná facebook síðu Ægis og hjá Íþróttasambandi fatlaðra líka. Höddi hjá H-hljóð sá um að Páll Óskar gæti skilað sínu allra besta og var engin svikin þar! ;) Fyrirtækin sem styrktu okkur við útgáfu mótsbæklingsins eiga svo sannarlega lof skilið og fá strákarnir í Prentsmiðjunni Eyrúnu sérstakar þakkir fyrir einstaklega flotta útgáfu. Einir Einisson leyfði okkur að nota mynd sem hann tók í sumar og var fólk agndofa yfir fegurðinni. Að lokum vill ég þakka öllum keppendum og mótsgestum fyrir að hafa lagt allt þetta ferðalag á sig til að eyða þessari stórbrotnu helgi með okkur. Þrátt fyrir breytt ferðaplön og hinar ýmsu veðrasviptingar þá hætti engin við að koma á mótið og er það aðdáunarvert!! :) Ég er örugglega að gleyma einhverjum... Ef svo er þá kærar þakkir til þín líka! ;) Við hjá Ægi, íþróttafélagi fatlaðra í Vestmannaeyjum þökkum kærlega fyrir okkur!! Skrifað af Kristín Ósk Óskarsdóttir 24.09.2011 23:45DÓMARANÁMSKEIÐ!!Dómaranámskeið hjá Íþróttafélaginu Ægi, íþróttafélagi fatlaðra Við hjá Íþróttafélaginu Ægi munum njóta góðs félagsskaps föstudaginn 30. september. Þá munu þeir Olli og Kalli frá Íþróttafélaginu Öspinni koma til Eyja og vera með dómaranámskeið á vegum Íþróttafélags fatlaðra. Hvetjum við því ALLA, unga sem aldna, sem hafa einhvern áhuga á boccia að skrá sig (Við miðum svona við 16 ára aldurinn en skoðum allt). Nánari staðsetning og tímasetning verða auglýst síðar. Koma svo, áfram ÆGIR!!! Vinsamlegast skráið ykkur með því að senda tölvupóst á netföngin bubsy@simnet.is eða thorina.baldursd@simnet.is. Einnig getið þið hringt í Kristínu Ósk í síma: 894-1731.
Með Ægiskveðju, Kristín Ósk Óskarsdóttir Skrifað af Kristín Ósk Óskarsdóttir 21.09.2011 20:15Þjálfararnir okkar á námskeiðiTuttugu þátttakendur á þjálfaranámskeiði í þjálfun barna með fötlun Námskeið var haldið á vegum Íþróttasambands fatlaðra um helgina þar sem megininntak var þjálfun fatlaðra barna og kynning á EIPET SPORT. Ingi Þór Einarsson, formaður sundnefndar ÍF, var umsjónarmaður námskeiðsins og sá um almennan hluta þess sem fram fór á föstudagskvöld og laugardagsmorgun. Almenni hlutinn var fyrir alla þjálfara en eftir hádegi á laugardeginum var sérgreinahluti þar sem þjálfarar skiptust í hópa eftir greinum. Sumir fóru í verklegar æfingar og aðrir voru í umræðuhópum. Þátttakendur á námskeiðinu voru 20 og komu úr mismunandi íþróttagreinum, boccia, bogfimi, frjálsum íþróttum, fimleikum, sundi og skautaíþróttum. Margir þjálfarar sem þarna voru hafa ekki starfað innan raða ÍF en aðrir þjálfa hjá aðildarfélögum ÍF. Námskeiðið tókst mjög vel og allir þátttakendur fengu skjal í lok námskeiðs þar sem staðfest var þátttaka þeirra á fyrsta námskeiðinu sem tengist kynningu á EIPET SPORT á Íslandi. Þar er um að ræða samstarfsverkefni Evrópulanda og Ísland hefur hug á að taka virkan þátt í því samstarfi. Þjálfararnir okkar þær Þórína, Sylvía og Karítas voru okkar fulltrúar! :) Og stóðu sig með stakri prýði. Skrifað af Kristín Ósk 01.09.2011 14:15Æfingar að byrja!!Boccia byrjar aftur í dag! Yngri iðkendur verða á æfingum á fimmtudögum frá kl.17.10-18. Eldri iðkendur verða á þriðjudögum og fimmtudögum frá kl.17.10-18. Æfingarnar verða í Týsheimilinu. Þórína Baldursdóttir, Sylvía Guðmundsdóttir og Gunnar Karl Haraldsson eru þjálfarar vetursins. Sundið byrjar 7. september Sundið verður samþætt, eldri og yngri iðkendur saman á miðvikudögum kl.1710-18. Karítas Þórarinsdóttir er nýji sundþjálfarinn okkar og bjóðum við hana velkomna. 22.05.2011 21:49FRÁBÆRT FYRIRTÆKJAMÓT!!!Í dag mættu til leiks 14 lið á fyrsta fyrirtækjamótið í boccia hjá okkur Ægi! Það er því ekki annað hægt en að brosa út af eyrum eftir frábæran dag! Hér koma riðlarnir og úrslitin úr öllum leikjunum: 1. riðill Sparisjóðurinn á móti Íslandsbanka 1: 3-2. Deloitte á móti Íslandsbanka 2: 4-3. Olís á móti Miðstöðinni: 7-1. Eyverjar 1 á móti Lions: 4-3. Volcano 1 á móti Kalla Kriss: 3-2. Eyjatölvur á móti Ráðhúsinu: 3-2. Volcano 2 á móti Eyverjum 2 : 5-2. Okkur vantaði í raun eitt lið í viðbót upp úr 1. riðlinum og fengu því þau tvö lið með hæstu boltatölurnar að reyna aftur og fara í umspil fyrir 2. riðilinn. Þar tókust á Lionsmenn og strákarnir í Íslandsbanka 2 liðinu. Lions rétt marði þann leik og tryggði sér því áframhald í keppninni! ;) Lions vann með þremur boltum á móti tveimur boltum hjá Íslandsbanka strákunum... Hörkuspennandi keppni sem sagt!! =) Upp úr 1. riðlinum komust því eftirfarandi lið: Sparisjóðurinn, Deloitte, Olís, Eyverjar 1, Volcano 1, Eyjatölvur, Volcano 2 og að lokum komumst Lions áfram úr umspilinu! :) 2. riðill Deloitte á móti Sparisjóðnum: 6-0. Olís á móti Eyverjum 1: 5-3. Eyjatölvur á móti Volcano 1: 5-2. Lions á móti Volcano 2: 4-2. Þarna var spennan orðin rafmögnuð í húsinu!! :) Olísmenn voru búnir að gefa það út löngu fyrir mót að þeir ÆTLUÐU að vinna keppnina. Hins vegar var mikill hugur í Ægi og Halla Bedda sem kepptu fyrir Eyjatölvur og einnig í Deloitte peyjunum þeim Sigurjóni Erni og Guðjóni. Að ógleymdum Lionsmönnunum sem að virkilega nýttu sér umspilskeppnina til hins ýtrasta og voru komnir í undanúrslit! 3. riðill eða undanúrslitin, litu því svona út: Olís á móti Lionsmönnum: 5-1. Eyjatölvur á móti Deloitte: 11-0. Úrslitaviðureignin!!! :) Olís vs Eyjatölvur Leikur 1: 5-0 fyrir Olís Leikur 2: 4-0 fyrir Olís Leikur 3: 3-0 fyrir Olís Leikur 4: 1-0 fyrir Olís Sem þýðir að Olís einfaldlega burstaði Eyjatölvur 13-0 á lokasprettinum og voru því vel að sigrinum komnir!! :) 1. sæti - OLÍS 2. sæti - EYJATÖLVUR 3. sæti - DELOITTE KÆRAR ÞAKKIR FYRIR FRÁBÆRA SKEMMTUN OG ÞÁTTTÖKU!! VIÐ MUNUM SJÁ YKKUR HRESS OG KÁT AÐ ÁRI EKKI SATT??? ;) Allir hjá Íþróttafélaginu okkar stóðu sig með mikilli prýði við dómgæslu og var það frábær upplifun fyrir þau að fá að dæma svona einu sinni. Bestu þakkir sendum við einnig foreldrum sem aðstoðuðu okkur (allt mulig fólkið) ;) Og að lokum, ykkur ÖLLUM sem komuð að horfa á og hvetja ykkar lið áfram! Þetta mót fór fram úr okkar björtustu vonum miðað við að vera að prófa þetta í fyrsta skiptið! ;) Takk, takk og aftur takk! Fyrir hönd félagsins, Kristín Ósk - formaður. Skrifað af Kristín Ósk 17.05.2011 14:41FYRIRTÆKJAMÓTFyrirkomulag á fyrirtækjamóti Við hjá Íþróttafélaginu Ægi ætlum að prófa nýja fjáröflunarleið sem við höfum heyrt góðar sögur af! Núna ætlum við að skora á öll fyrirtæki bæjarins til að berjast um þann gríðarlega HEIÐUR að vinna ÆGISBIKARINN og hvað þá í fyrsta skiptið!! :) Fyrirkomulagið hljómar svona - Olís teknir sem dæmi:
Við erum nokkuð frjálsleg um hverjir eru saman í liðum (sérstaklega ef að fólk á erfitt með að manna lið, þá mega góðvinir fyrirtækisins þíns stíga inní)... þurfið bara að koma fram undir nafni fyrirtækisins við skráninguna og greiða fyrir þátttökuna! ;) Markmiðið með þessum degi er að hafa gaman saman! Kynna íþróttina boccia sem okkar einstaklingar eru að keppa í 2-3 á ári og leyfa ykkur hreinlega að finna hversu mikil kúnst þetta er! MÓTIÐ VERÐUR HALDIÐ Í GAMLA SALNUM Í ÍÞRÓTTAMIÐSTÖÐINNI SUNNUDAGINN ÞANN 22. MAÍ OG BYRJAR KL.12!! :) Vinsamlegast sendið allar skráningar á mig, Kristínu Ósk Óskars! Netfang: bubsy@simnet.is eða þið getið haft samband í síma: 894-1731 ef eitthvað er, HVAÐ SEM ER! :) engin spurning asnaleg í þessum efnum, munið það! Við hjá íþróttafélaginu Ægi erum líka að fara að gera þetta í fyrsta skipti þannig að við finnum út úr þessu öll saman! ;) Hlakka til að heyra í sem flestum!! ÁFRAM ÆGIR! :o) Skrifað af Kristínu Ósk 10.05.2011 22:25AÐALFUNDUR!!!Aðalfundur félagsins!!! Þriðjudaginn 31. maí verður aðalfundur félagsins haldinn. Við verðum í Arnardrangi (Rauða Kross húsinu) og hefst fundurinn kl. 20! Hlökkum til að sjá sem flesta! :) Bestu kveðjur, Stjórn Ægis Skrifað af Kristín Ósk 02.05.2011 12:11Hængsmót 2011Fimmtudaginn 28. apríl lögðu nokkrir einstaklingar uppí ferðalag norður á Akureyri á svokallað Hængsmót! Þetta var töluvert ferðalag en gekk frábærlega! :) Við reyndar flugum héðan í kolvitlausu veðri en keyrslan norður (þrátt fyrir vindkviður) gekk mjög vel. Á föstudeginum byrjaði mótið sjálft. Þetta var í fyrsta skipti sem við fararstjórarnir fórum á þetta mót, þannig að við renndum pínulítið blint í sjóinn en þetta hafðist nú allt á endanum! ;) Guðni Davíð og Anton byrjuðu á að keppa í KA heimilinu og gerði Guðni sér lítið fyrir og vann alla sína leiki! Hann komst því áfram í milliriðlakeppnina. Anton tapaði sínum en var í 3. sæti af fjórum í sínum riðli. Ylfa, Tóti og Júlíana fóru svo uppí Síðuskóla að keppa, þau stóðu sig öll vel! :) Ylfa komst í milliriðlakeppnina og kom sér þar áfram uppí undanúrslit vegna boltatalningar! Eftir að hafa keppt sína leiki þar þá endaði hún í 3. sæti í sínum riðli. Þess má geta að einn af andstæðingnum sem hún keppti við í undanúrslitunum vann alla sína leiki og stóð uppi sem sigurvegari í einstaklingskeppninni fyrir fólk með þroskahömlun. Þannig að þetta var virkilega góður árangur hjá Ylfu!  Tóti endaði í 3. sæti og Júlíana 2. sæti í sínum riðlum og var það fínasti árangur. Á laugardeginum hófst svo liðakeppnin. Guðni Davíð, Ylfa og Tóti voru saman í liði og stóðu sig með ágætum! Enduðu þau í 2. sæti í sínum riðli eftir spennandi leik á móti Nes. Um kvöldið var svo lokahófið. Fengum við þar dýrindismat og góða skemmtun! Skriðum við heim rétt fyrir 2 um nóttina eftir trylltan dans og mikið stuð.. ;) Sunnudagurinn fór svo í að ferðast aftur suður. Veðurguðirnir sáu miskunn yfir okkur og rétt lyftu þokunni til að koma okkur á leiðarenda! ;) Að lokum viljum við þakka Akureyringum og Lionsklúbbnum Hæng fyrir frábærar móttökur! Ásamt því að þakka henni Guðbjörgu Helgadóttur fyrir alla aðstoðina fyrir norðan! :) Þórína, Sylvía og Kristín Ósk Skrifað af Kristín Ósk Flettingar í dag: 10 Gestir í dag: 5 Flettingar í gær: 29 Gestir í gær: 11 Samtals flettingar: 21309 Samtals gestir: 8725 Tölur uppfærðar: 28.1.2012 14:33:46 |